Sa mga Higala nga mobasa aning
akong blog karong panahon sa Pasko,
mao kini ang akong dalit kaninyo:
PAHIYOM SA PASKO
pahiyom sa pasko
palihug
hatagi ko’g pahiyum
karong pasko
basin pa kini makahapohap
sa gibating kahaw-ang
tungod sa nagpadayon’g
kalandrakas sa atong
panahon, karon.
palihug
hatagi ko’g pahiyum
nga mosalamin
sa mga pagpahiyum
niadtong ni-ambit sa
yano nga unang pasko
mga magbalantay ug
mga karnero lakip na
ubang mga mananap
ug mga pak-an nga binuhat
nga sa dakung kasibot, niawit.
palihug pakapini
sa kahumot sa mirra
sama sa gidala sa usa
niadtong tulo ka maalamon’g
milangyaw gikan sa sidlakan.
apili na lang sab ang sidlak
niadtong dakung bituon nga
maoy nagpadayag:
naa na ang gihandum
naa na ang paglaum
busa buot akong mopahiyum.
